Barter nədir?

Barter tələb edilən mal və xidmətin, təklif edilən mal və xidmət müqabilində satın alınması və ya tələb və təklifin qarşılıqlı mübadilə edilməsidir. Barter ən sadə mənasında ‘Dəyiş-düyüş’ olaraq başa düşülür. AZBARTERin fəaliyyət məqsədləri üçün isə barter bir müəssisənin satın aldığı mal və ya xidmətin dəyərini özünün istehsal etdiyi ya da sahibi olduğu başqa mal və ya xidmətlə ödəməsi kimi başa düşülməlidir. 

Barter; alıcı və satıcının mövcud iqtisadi şəraitdə ən yaxşı şərtlərə uyğun bazar tapıb, alış-verişlərini bu bazarda həyata keçirmələrini təmin edən, müəyyən xüsusiyyətlərə malik fiziki və ya hüquqi şəxslərin üzv ola bildiyi yaxud sistemdən faydalana bildiyi bir alış-veriş klubudur.

Barter; pul ödəmədən alış veriş imkanı yaratdığına görə müəssisələr üçün bir maliyyələşdirmə alətidir. Barter maliyyələşdirmə aləti, digər maliyyə vasitələrindən fərqli olaraq malların maya dəyərini minimum səviyyədə saxlamağa imkan verən bir alətdir. Çünki, barter sistemilə alıcı ehtiyacı olan mal və xidməti pul və ya faizli kreditlə yox, başqa bir mal yaxud xidmətlə ödəyir.